పాన్ ఇండియా మూవీగా వస్తున్న ప్రభాస్ మూవీలో బిగ్ స్టార్స్ ఎంటరవుతూనే ఉన్నారు..నాగ్ అశ్విన్ ద‌ర్శ‌క‌త్వంలో సైన్స్ ఫిక్షన్ చిత్రంగా ఓ వైపు ఓం రౌత్ ద‌ర్శ‌క‌త్వంలో ఆదిపురుష్ గా మరోవైపు భారీ చిత్రాలతో అతి భారీ బ‌డ్జెట్ చిత్రాలు చేస్తున్నాడు మన రెబల్ స్టార్.
దీంతో తెలుగు సినిమా హీరోగా మన ఖ్యాతిని ప్రపంచానికి పరిచయం చేస్తున్నాడు. బాహుబలి సినిమాతో మొదలైన ఈ నేషనల్ స్టార్ ఇమేజ్ రాబోయే రోజుల్లో వరల్డ్ స్టార్ గా మారబోతుందా. ఈ చిత్రాల‌పై అభిమానుల‌లో అయితే అంచ‌నాలు కేక పుట్టిస్తున్నాయి. ప్రభాస్ పుట్టిన రోజు సంద‌ర్భంగా ఈ సినిమాకి చెందిన క్రేజీ అప్‌డేట్స్ అక్టోబర్ లో వారానికి ఒకటి రానున్నాయి అని సమాచారం.
ఈ నేపథ్యంలోనే అక్టోబర్ 9 న నాగ్ అశ్విన్ డైరెక్ట్ చేస్తున్న సైన్స్ ఫిక్షన్ మూవీలో రెబల్ స్టార్ హీరోగా తెర‌కెక్క‌నున్న సంగతి తెలుసు. ఈ పాన్ ఇండియా ప్రాజెక్టుకి సూపర్ అదిరిపోయే అప్‌డేట్ ఇచ్చారు మూవీ టీం. ఈ మూవీలో బాలీవుడ్ బిగ్ బీ అమితాబ్ బ‌చ్చ‌న్ నటిస్తున్నారని, కీల‌క పాత్ర పోషించ‌నున్నట్టు టీం పేర్కొన్నారు.
ఇండియన్ సూపర్ యాక్టర్ ప్ర‌ముఖ నటుడు లేకుండా ప్ర‌తిష్టాత్మ‌క చిత్రం ఎలా చేస్తాం అంటూ వీడియో రిలీజ్ చేసింది చిత్ర బ్రుందం. ఈ వీడియో ద్వారా అమితాబ్ బ‌చ్చ‌న్ మూవీలో ప్ర‌ముఖ పాత్ర పోషిస్తున్న‌ట్టు ప్ర‌కటించారు. అయితే సుమారు 500 కోట్ల భారీ బ‌డ్జెట్‌తో తెర‌కెక్కుతున్న ఈ చిత్రంలో దీపికా ప‌దుకొణే హీరోయిన్ గా న‌టిస్తున్న సంగతి తెలిసిందే.