July 2, 2020

ఈ రోజు ఇది చదివితే మీ పాపాలన్నీ హరించిపోతాయ్..పాండవుల అద్భుత సృష్టి

Nishkalank Mahadev Tmple

Nishkalank Mahadev Tmple

గుజరాత్ రాష్ట్రంలోని భావ్ నగర్ కి సమీపంలో ఉన్న కొలియక్ అనే గ్రామం లో అరేబియన్ సముద్రం నందు ఓ  ఆలయం ఉంది  తూర్పున సముద్ర తీరానికి 1.5 కిలోమీటర్ల దూరంలో నిష్కలంక్ మహదేవ్ ఆలయం ఉంది. భారతీయ క్యాలెండర్ ప్రకారం బాదర్వ అమావాస్య రాత్రి పాండవులు ఇక్కడ నిష్కలంక్ మహదేవ్ ను ప్రతిష్టించారని చెబుతారు.నిష్కలంక్ మహాదేవ ఆలయం  నిష్కలం అంటే పాపాలు దూరం చేసేది అని అర్థం మహదేవ్ అంటే  శివుడు అని అర్థం.

Nishkalank Mahadev Tmple full details in telugu :

ఈ ఆలయ ప్రత్యేకత విషయానికొస్తే ఉదయంపూట పెద్ద అలలు వచ్చే సమయంలో  ఆలయం గోపురం పై భాగం మాత్రమే కనిపిస్తుంది.. మధ్యాహ్నం 11 తర్వత  ఆ అలలు మెల్లగా వెనక్కి వెళ్లిపోయి ఆలయం ఎంతో దివ్యమైన తేజస్సుతో కనిపించును. తిరిగి రాత్రి 7 తర్వాత  అలలు ముందుకు వచ్చేస్తాయి. సాధారణ సమయంలో ఆలయం నీటి క్రింద భాగంలో  ఉంటుంది. ఆ సమయంలో ఆలయ గోపురం పై భాగం మాత్రమే కనిపిస్తుంది.  ఇక్కడ హారతి సమయం 6.30 నుండి 7వరకు .

సహజంగా ఆలయాలు కొండల్లో, కానీ పర్వత ప్రాంతాల్లో కానీ , జలపాతాలు, సరస్సులు సమీపంలో కానీ ఉంటాయి. కానీ ఈ ఆలయం వాటి అన్నింటికి భిన్నంగా  ఉంటుంది. ఈ ఆలయ చరిత్ర మహాభారతంలో కురుక్షేత్రం తర్వాత  శ్రీ కృష్ణుడు పాండవులకు ఇలా చెప్తాడు యుద్ధ రంగంలో తమ దోషాలను, కళంకాలను యుద్ధంలో సొంత బంధువులను చంపిన పాపాలను వారు మూటగట్టుకుంటారు. ఆ పాపాల నుంచి విముక్తి పొందడానికి పాండవులు శ్రీకృష్ణున్ని ఆశ్రయిస్తారు. అప్పుడు శ్రీకృష్ణుడు ఒక నల్లని ఆవుకు నల్లని జెండాను కట్టి అవి ఎంత దూరం వెళితే అంత దూరం వాటి వెంట వెళ్లమంటాడు. ఎప్పుడైతే ఆ ఆవు, జెండా తెల్లగా మారతాయో అప్పుడు ఆ పాపాల నుంచి విముక్తి దొరుకుతుందని చెప్తాడు.

కృష్ణుడి సూచన మేరకు పాండవులు రోజుల తరబడి వాటి వెంటే నడిచేవారు. ఎంత దూరం నడిచినా వాటి రంగులో మార్పు రాలేదు. ఎప్పుడైతే చివరిగా ఆవు, జెండా కొలియాక్ సముద్ర తీరానికి చేరుకున్నాయో అప్పుడు ఉన్నట్టుండి అవి తెల్లగా మారతాయి. అప్పుడు అయిదురుగు అన్నదమ్ములు ఆ ప్రదేశంలోనే కూర్చుని పరమశివుని కోసం ఘోర తపస్సు చేస్తారు. వారి భక్తికి మెచ్చిన శివుడు ఒక్కొక్కరి ఎదుట ఒక్కో స్వయంభువు శివలింగంగా అవతరిస్తాడు. దీంతో పాండవులు అమితానందపడి ఆ ఐదు శివలింగాలకు పూజలు నిర్వహించినట్లు పురాణ కధనం. పాండవుల పాపాలను కడిగిన ఈ పరమ పవిత్ర ప్రదేశం అప్పటి నుంచి నిష్కలంక్ మహదేవ్ గా ప్రసిద్ధి పొందింది.

Nishkalank Mahadev Tmple
                                              Nishkalank Mahadev Tmple

అయితే ఈ ఆలయం ఉదయం పూట వచ్చే టూరిస్టులకి కానీ భక్తులకి కానీ ఎవ్వరికీ కనిపించదు ఆ సమయంలో  ఆలయం నీట మునిగి ఉంటుంది. గుడి పై భాగం జండా  మాత్రమే కనిపిస్తుంది. ఆ సమయంలో అలలు వేగంగా ముందుకు వస్తాయి పెద్దగా.. 11 తర్వాత అలలు మెల్లగా వెనక్కి వెళ్లిపోతాయి ఒంటిగంటకల్లా  మొత్తం అలలు అన్ని వెనక్కి వెళ్లిపోయి ఆ మహాదేవుడు ఎంతో తేజస్సుతో దర్శనమిస్తారు. ఆ సమయంలో భక్తులందరూ వచ్చి దర్శించుకోవచ్చు . సాయంత్రం 7 గంటల వరకు భక్తులు సమయం గడపవచ్చు.. ఆ సమయం దాటిన తర్వాత సముద్రం మళ్ళీ ముందుకు రావడం ప్రారంభిస్తుంది.

ఇక్కడ ఆ ఆలయ  మార్గం అంతా నాచుతో ఉంటుంది కాబట్టి చాలా జాగ్రత్తగా నడిచి వెళ్ళాలి ఇక్కడికి చిన్నపిల్లలని అనుమతి లేదు కేవలం 10 //సం// దాటిన వాళ్ళకే ప్రవేశం ఉంటుంది. ఆ ఆలయం లో పూజారి ఎవరు ఉండరు ఎవరికి వాళ్లే పూజలు చేస్తూ ఉంటారు. ఆలయాన్ని సందర్శించే భక్తులకు ప్రతి శివలింగం ఎదుట ఒక్కో నంది కనిపిస్తుంది. భక్తులు ముందుగా పాండవకొలను అని పిలవబడే నీటి గుంట వద్ద తమ కాళ్లను శుభ్రపరచుకుని పూలు, పాలు, పండ్లతో శివలింగాలకు స్వయంగా అభిషేకిస్తుంటారు.

ఇక్కడకి ప్రతీ శివ రాత్రి రోజు భక్తులు తెల్లవారు జామునే వచ్చి శివుడిని దర్శించుకోవడనికి వేచి చూస్తారు ఆ అలలు వెనక్కి వెళ్లే వరకు… ఎంతో ఘనంగా అత్యంత వైభవంగా ఉత్సవాలు జరుగుతాయి. ఇలాంటి అద్భుతాన్ని జీవితంలో ఒక్కసారైన చూడాలి. మార్చి నుంచి జూలై మాసాల మధ్య ఈ ఆలయాన్ని సందర్శించేందుకు మంచి సమయం. ఇలాంటి అద్భుతం కేవలం మన భారత దేశం లో మాత్రమే చోటు చేసుకోవడం విశేషం.

     ఈ ఆర్టికల్ ,మీకు నచ్చితే కింద ఉన్న ఎమోజీ పై క్లిక్ చేసి మీ అబిప్రాయం తెలపండి.

Leave a Reply

Your email address will not be published. Required fields are marked *