July 2, 2020

బాలకృష్ణ వ్యాఖ్యలకు.. మెగా బ్రదర్ కౌంటర్…….

balakrishna latest news

balakrishna latest news

కేసీఆర్‌ తో సినీ ప్రముఖుల భేటీపై నందమూరి బాలకృష్ణ చేసిన వ్యాఖ్యలు తీవ్ర దుమారం రేపాయి. దానిపై నాగబాబు కౌంటర్ ఇవ్వడంతో చర్చలు ఊపందుకున్నాయి. ఈ విషయం పై నాగబాబు వివరణ ఇచ్చారు. ప్రస్తుతం తెలుగు చిత్రసీమలో నాగబాబు-బాలకృష్ణ ఇష్యూ హాట్ టాపిక్ అయింది. కరోనా పరిస్థితుల వల్ల థియేటర్స్ మూసేసిన విషయం మనందరికి  తెలిసిందే, అయితే  థియేటర్స్ రీ ఓపెన్, షూటింగ్స్ రీ ఓపెన్ లాంటి అంశాలపై చిరంజీవి నేతృత్వంలో పలువురు దర్శకులు మరియు నిర్మాతలు కలిసి ఇటీవలే తెలంగాణ ముఖ్యమంత్రి కేసీఆర్‌తో భేటీ అయ్యారు. అయితే ఈ చర్చలకు తనను పిలవలేదని బాలకృష్ణ ఆగ్రహం వ్యక్తం చేసిన సంగతి కూడా తెలిసిందే.

సినిమా వాళ్ళు భూములు పంచుకున్నారా? అని ఆయన చేసిన వ్యాఖ్యలు దుమారం రేపడంతో మెగా బ్రదర్ నాగబాబు ఎంటరై సంచలన వ్యాఖ్యలు చేశారు. నోరు అదుపులో పెట్టుకోమని హెచ్చరించారు. దీంతో ఈ ఇష్యూ పై చర్చలు ముదిరాయి. ఈ నేపథ్యంలో ఓ మీడియా ఛానల్‌ నాగబాబుతో ఫోన్ ఇన్ కార్యక్రమం నిర్వహించింది. ఇందులో మాట్లాడిన నాగబాబు తన వ్యాఖ్యలపై రియాక్ట్ అవుతూ వివరణ ఇచ్చారు. ఇండస్ట్రీకి చెందిన పలువురు ప్రముఖులు హాజరైన ఆ సమావేశానికి ఎన్టీఆర్ ఫ్యామిలీకి చెందిన వ్యక్తిని పిలవాల్సిన అవసరం లేదా? అని ఛానల్ ప్రతినిధి అడిగిన ప్రశ్నకు నాగబాబు బదులిచ్చారు. బాలయ్యను కూడా మీటింగ్ పిలవాల్సింది అని తాను కుడా అభిప్రాయపడ్డానని చెప్పారు. అంతేకాకుండా,

బాలకృష్ణతో తనకు ఎలాంటి వ్యక్తిగత విభేదాలు లేవని, అలాగే ఆయనపై నెగెటివ్ ఒపీనియన్ కానీ,  శత్రుత్వం కానీ  లేదని.. గతంలో కూడా బాలకృష్ణను కమెడియన్ అని తాను అనలేదని నాగబాబు చెప్పారు. తనను మీటింగ్‌కు ఎందుకు పిలవలేదని ఆయన ప్రశ్నించడంలో తప్పు లేదని, అయితే భూములు పంచుకున్నారని అనడం మాత్రం సరైంది కాదని చెప్పారు. సినీ పరిశ్రమ అంటే ఎన్టీఆర్, చిరంజీవి ఫ్యామిలీ మాత్రమే కాదని, వీళ్ళతో పాటు ఏఎన్నార్, కృష్ణ కుటుంబాలతో పాటు మరికొన్ని ఫ్యామిలీలు ఉన్నాయని అన్నారు. ఇటువంటి మీటింగ్లకు, ఫ్యామిలీలకు ఎలాంటి సంబంధం లేదని ఆయన చెప్పారు.

Leave a Reply

Your email address will not be published. Required fields are marked *