July 2, 2020

ఏపీ లో పిడుగు పాటుకు నలుగురు మృతి..

pidugu

pidugu

ఏపీ లోని శ్రీకాకుళం, విజయనగరం, విశాఖ జిల్లాలో శుక్రవారం సాయంత్రం పిడుగు లు పడే ప్రమాదం ఉందని రాష్ట్ర విపత్తుల శాఖ కమిషనర్‌ కన్నబాబు తెలిపారు. శ్రీకాకుళం: సీతంపేట, కొత్తూరు, పాలకొండ, బర్జ,  రెగిడి అమదాలవలస, సరుబుజ్జిలి, లక్ష్మి  నర్సుపేట, హిరమండలం, వంగల, వీరఘట్టం. కాగా శుక్రవారం సాయంత్రం హెచ్చరికలు జారీ చేసిన కొన్ని గంటల్లోనే శ్రీకాకుళం జిల్లాలో పెను విషాదం చోటుచేసుకుంది.  శ్రీకాకుళం జిల్లాలో పలుచోట్ల ఉరుములు, మెరుపులతో కూడిన పిడుగుల, వాన కురిసింది. ఈ పిడుగు పాటుకు జిల్లాలో నలుగురు ప్రాణాలు కోల్పోయారు. వంగర మండలంలో ముగ్గురు, సీతంపేట మండలంలో ఒకరు మృతి చెందారు.

అయితే ఏపీ శ్రీకాకుళం జిల్లా వంగర మండలం గీతనాపల్లి గ్రామానికి చెందిన ఒక 10వ తరగతి విద్యార్థి పొలం వద్ద ఉండగా పిడుగు పడి అక్కడికక్కడే ప్రాణాలు కోల్పోయాడు. అదే గ్రామానికి చెందిన 61 సం ఉన్న సలాపు శ్రీరాములు అనే వ్యక్తి పశువులను  మేతకు తీసుకెళ్లి తిరిగి ఇంటికి వస్తుండగా పిడుగు పాటుతో మృతి చెందాడు. అలాగే, శ్రీహరిపురం గ్రామానికి చెందిన 43 సం గల వడ్డిపల్లి శంకర రావు పొలం వద్దకు పశువులు మేపడానికి వెళ్లగా అక్కడ పిడుగుపడి ప్రాణాలు కోల్పోయాడు. ఈ ముగ్గురూ నిరుపేద కుటుంబానికి చెందినవారు కావడంతో వారి కుటుంబాలను ప్రభుత్వం ఆదుకోవాలని గ్రామస్తులు కోరుతున్నారు.

అలాగే సీతంపేట మండలంలోని తుంబకొండలో వర్షం పడుతున్న సమయంలో 35 సం వయసు గల అరిక ఆనందరావు,  నిమ్మక గోపీ చెట్టు కింద ఉన్నారు. వాళ్లకు సమీపంలోనే పిడుగు పడటంతో వారిద్దరూ అపస్మారక స్థితిలోకి వెళ్లారు. వెంటనే ఆనంద రావు, గోపీలను సీతంపేట ప్రభుత్వ ఆస్పత్రికి తరలిస్తుండగా ఆనందరావు మార్గమధ్యంలోనే ప్రాణాలు కోల్పోయాడు. గోపీని సీతంపేట ప్రభుత్వ ఆస్పత్రిలో చికిత్స అందించి, అనంతరం మెరుగైన చికిత్స నిమిత్తం పాలకొండ ప్రాంతీయ ఆస్పత్రికి తరలించారు. దీంతో కుటుంబ సభ్యులు ఆందోళన కి గురి అయ్యారు.

Leave a Reply

Your email address will not be published. Required fields are marked *